Mahni infak leh sakhi ngal?
Vawi khat chu John Lennon-a kha an manager Clive Davis khan, "Tunlai eng music nge i ngaihthlak thin," tiin a zawt a ni awm e. John-a lah chuan, "Eng music mah," ti zawngin a lo chhang a, Davis-a mak ti chuan, "Engmah i ngaithla ngai lo maw? Tu zai mah i ngaithla ngai lo maw?" a'n ti nawn a.
"Tu te zai mah ka ngaithla ngai lo," John-a chuan a'n ti nawn leh kher a, "A nih leh Picasso kha gallery-ah kalin mi lemziak a en ngai em?" a'n ti hram bawk a!
Picasso hi lemziak thiam hmingthang a ni.
Lal a ni lo
King of Rock N Roll tia khawvelin a sawi thin Elvis Presley kha chhungkaw sakhawmi atanga zichhuak a ni a, Kristianna a lana hle a, Isua Krista a dah pawimawh hle bawk.
Vawi khat pawh a concert-naah hian hmeichhe pakhat hian dawhsana a awm lai a rawn pan a, "Lal i ni!" tih pahin lallukhum khumtir a tum ngawt mai; ani Elvis-a chuan a lo duh ikhaw lo, "Ni lo, duhlai, lal ka ni lo. Krista hi Lal a ni a, kei chu zaimi mai ka ni," a lo ti a.
1974-ah pawh khan University of Notre Dame-a a zai laiin a tawp thut a, rimawi tumtute pawh tawp turin a hrilh nghal bawk. Banner pakhat - "Lal i ni" tih inziakna a hmuh vanga tawp a lo ni a! "Lal pakhat chauh a awm, chu chu Pathian Isua Krista a ni," tiin a sawi zui nghe nghe. Pathian hla pathum - 'How Great Thou Art' (1967), 'He Touched Me' (1974), LP ve ve bakah 'How Great Thou Art' (live, 1974)-ahte rimawi lama chawimawina sang Grammy award a dawng nghe nghe.
Monday, September 7, 2009
Chanchin Maksak 42
Subscribe to:
Post Comments (Atom)
No comments:
Post a Comment